UEFA-nın Konfrans Liqasının yarımfinal oyunlarında VAR sistemindən istifadə edəcəyi dəqiqləşib.

Bu barədə qurumun rəsmi saytı məlumat yayıb. Bir neçə gün əvvəl “Football Italia” qəzeti VAR-ın Konfrans Liqasının yarımfinalından tətbiq olunacağı haqda xəbər yaymışdi. UEFA daha əvvəl yalnız finalda bu texnologiyadan istifadəni planlaşdırmışdı. Lakin sistemin tətbiqi daha tez reallaşacaq.

Xatırladaq ki, turnirin yarımfinalında “Roma” “Lester” ilə, “Marsel” isə “Feyenoord”la qarşılaşacaq. Bu mərhələnin ilk oyunları aprelin 28-də, cavab görüşləri mayın 5-də keçiriləcək.