"İlk və sonuncu dəfə xəbərdarlıq edirik!" - "Kəpəz" azarkeşləri
"Kəpəz"in uğursuzluq zolağına düşməsi klubun azarkeşlərini özündən çıxarıb.
Onlar bəyanatlarında bir neçə dəfə baş məşqçi Yaşar Vahabzadəni sərt tənqid ediblər
"Football-plus.az" saytının məlumatına görə, Gəncə təmsilçisinin fan-qrupu olan "Xəmsə"nin bu dəfəki hədəfi klubun futbolçuları olub:"Komandanın uğursuzluqlarında açıq olaraq günahkar baş məşqçi Yaşar Vahabzadəni görməyimiz , deyəsən bir çoxunda öz aləmində günahsız olduğu düşüncəsi yaradıb. Komandada oynayan hər bir futbolçu, harada, hansı klubda oynadığını tamlığı ilə dərk etməli, məsuliyyətini anlamaq (anlatmaq) zamanı gəldi! "Kəpəz"də oynadığı halda 3 gündən bir keçmiş komandası haqda paylaşım edənlər daha çox cavab verməli olacaq, ya da "Kəpəz"də olmayacaq! Unutmayın, indiyə kimi oynadığınız komanda nə qədər böyük olsa da, "Kəpəz"dən böyük ola bilməz. Stadionda azarkeş sayı sizi aldatmasın! İlk və sonuncu dəfə xəbərdarlıq edirik!"
Digər xəbərlər
