“Kəpəz” rəhbərliyi bu günə kimi yeni mövsüm üçün hansısa futbolçu ilə rəsmi müqavilə bağlamasa da, maraq dairəsinə düşən futbolçularla danışıqlara start verib.

Onlardan biri də vaxtilə “sarı-göylər”in uğurları üçün çalışan Dario Federikodu. Braziliyalı forvard 2015-17 və 2018-ci ildə Gəncə təmsilçisinin heyətində çıxış edib. Ümumilikdə “Kəpəz”də 47 oyuna çıxan “sambaçı” 11 dəfə adını tabloya yazdırmaqla gəncəlilərin sevimlisinə çevrilib. “Neftçi”də də oynayan hücumçu sonradan Cənubi Koreya və Latviyaya üz tutsa da, son mövsümdə klubsuz qalıb.

Braziliyalı isə ölkə mediasına açıqlamasında “Kəpəz”dən rəsmi təklif gələcəyi halda məmnuniyyətlə Gəncəyə dönə bilcəyini söyləyib.

“Football-plus.az” saytına daxil olan məlumata görə, məhz bu məqam “sarı-göylər”in məşqçilər korpusunu çıxılmaz duruma salıb. Bir ilə yaxın futbolsuz qalan forvardın performansı Yaşar Vahabzadəni narahat edir.

RƏŞAD[b][/b]