Qazaxıstan "Turan"ında Vladimir Qazzayevin köməkçisi kimi çalışan Vaqif Cavadovun klubdan ayrıldığından xəbəriniz var.

Xatırladaq ki, Qazzayev Türküstan təmsilçisinə təyinat alandan sonra Vaqifi də özünə köməkçi dəvət etmişdi. Uğursuz nəticələrə görə rəhbərlik onunla yolları ayırmaq qərarı verəndə Cavadov da Çimkənt klubunda qalmaq istəməyib. Hərçənd Qazzayevin ailəsində problemlərə görə Qazaxıstandan ayrıldığını deyənlərdən də var.

Veteran futbolçuya yaxın mənbələrdən əldə etdiyimiz məlumata görə, Qazaxıstana qısamüddətli ezamiyyətin ardından artıq Bakıya qayıdıb. Onunla danışmaq istəyimiz isə alınmadı. Vaqif zənglərimizi cavabsız qoydu.

RƏŞAD