“İnsidentlə bağlı xəbər yayılandan sonra “Everton” və “Mançester Yunayted” ilə təmaslar qurulub. Polis hazırda araşdırma aparır. Zabitlər epizodun videomüşahidə kameraları vasitəsilə dəyərləndirilməsi üçün “Everton”la birlikdə işləyirlər. Hüquq pozuntusu faktının dəqiqləşdirilməsi üçün şahidlərin ifadəsi də alınır”.

“Yunayted”lilər final fitindən sonra meydanı tərk edirdilər. Biz düz paltardəyişmə otağına aparan tunelin yanında əyləşmişdik. Oğlum telefonu ilə rəqib futbolçuları çəkirdi. Ronaldo qarşımızdan keçəndə Cey daha yaxından çəkmək üçün telefonu bir qədər aşağı saldı. Çünki Kriştiano getrini aşağı çəkməyə başladı. Onun ayağından qan axırdı. Oğlum onun ayağını lap yaxından çəkmək istədi. Ronaldo yanımızdan keçəndə dəhşətli görünüşə malik idi. Telefonu oğlumun əlindən vurub yerə saldı və yola davam etdi. Ceyin əlindəki yaraya baxa bilərsiniz. Bu haqda danışdığıma, sadəcə, inana bilmirəm... Bir andaca ağlamağa başladım. Bu epizod məni sarsıtmışdı. Ceykob isə şok içində idi. Onun autizm (üç yaşından əvvəl başlayan və ömürboyu sürən, ictimai qarşılıqlı təsirə və ünsiyyətə zərər verən, məhdud və təkrar davranışlara gətirib çıxaran beynin inkişafına maneə törədən xəstəlik) və dispraksiya (yöndəmsiz uşaq sindromu da adlanan bu xəstəlik insanda tarazlıq və çətin hərəkətləri edə bilməmək problemi yaradır) problemləri var. Bu səbəblərdən stadionda baş verən hadisəni yalnız biz evə gələndən sonra anlaya bildi. Oğlum həyatında ilk dəfə oyunu stadiondan izlədi. Onu bir də futbol matçına aparmaq çox çətin olacaq. Çünki hadisə Ceyi çox məyus edib...”

“Ronaldo kumirdi. Hə, “Everton”da oynamır, amma çox vacib futbolçudu. Oğlum matçdan əvvəlki günlərdə daim “orda Ronaldo da olacaq” sözlərini təkrarlayırdı. O isə bizim xoş keçən əhvalımızı bir hərəkəti lə korladı. Autizm problemi olan uşaq futbolçunun kobud hücumuna məruz qaldı. Onun üzrxahlığı, daha dəqiq desəm, üzr istəməməsi məni lap əsəbiləşdirdi. Yaxşı, sosial şəbəkəyə nəsə yazmısan, amma sən birbaşa oğlumdan üzr istəməlisən. Bunu etsəydin, sakitləşərdim. MY-nin bizimlə əlaqə qurulmasıyla bağlı heç bir açıqlama verməməsi də məni şoka saldı. Ronaldo isə öz növbəsində oğlumu “Old Trafford”dakı matça dəvət etmək istəyir. Məncə bu, çox kobud səslənir. “Everton”un fanatıyıq, bizim MY-nin oyununda nə işimiz var? O, “bu azarkeş” sözünü yazıb, həmin azarkeşin hansı kluba dəstək verdiyini göstərməyib. Bu, çox-çox zəif üzrxahlıqdı...”