Nəhayət, Timo Verner premyer-liqada uzun sürən qolsuzluğa son qoyub.

O, “Sauthempton”la səfər matçında “Çelsi”nin 6:0 hesablı qələbəsində iki qolla rol oynayıb. Alman futbolçu İngiltərə çempionatında 9 oyun idi qapıya yol tapa bilmirdi. Maraqlıdı ki, Verner premyer-liqada sonuncu dəfə ötən il oktyabrın 2-də məhz “Sauthempton”la ev oyununda (3:1) qola sevinmişdi.
26 yaşlı Timo bu mövsüm İngiltərə çempionatında 16 oyuna 3 qol vurub. Onun bütün turnirlərdəki göstəriciləri isə 30 oyuna və 8 qola bərabərdi.