Keyndən rekord

İngiltərə çempionatında mart ayının ən yaxşı futbolçusu müəyyənləşib.

Bu nominasiyada Harri Keyn qalib gəlib. “Tottenhem”in hücumçusu ötən ay premyer-liqada meydana çıxdığı 4 oyunda 4 qol vurmuş və 2 məhsuldar ötürmə etmişdi. Onun bu liqanın cari mövsümündəki göstəriciləri isə 28 oyuna və 12 qola bərabərdi.

Qeyd edək ki, Harri 7-ci dəfə ayın ən yaxşısı seçilib. Bununla da o, “Mançester Siti”nin sabiq hücumçusu Serxio Aqueronun rekordunu təkrarlayıb.