Bu gün Azərbaycan premyer-liqasında 4-cü dövrə start götürüb.

Azərbaycan premyer-liqası
4-cü dövrə, 22-ci tur
9 aprel

İlk oyunda "Şamaxı" "Neftçi"ni qəbul etdi. Qarşılaşmada hesab 10-nu dəqiqədə açdı. Rəhman Hacıyev cərimə zərbəsindən möhtəşəm qol vurdu. Matçın 60-cı dəqiqəsində hesab bərabərləşdi. İsmayılın ötürməsindən sonra Bezerra başla fərqləndi. Görüşün 72-ci dəqiqəsində "Neftçi" hesabda önə keçdi. Müdafiədə yaranan qarmaqarışıqlıqdan istifadə edən Maçado komandasının 2-ci qolunu vurdu.

Qarşılaşmada bundan sonra qol vurulmayıb. Matç "Neftçi"nin 2:1 hesablı qələbəsi ilə başa çatıb.

86. Şamaxı - Neftçi 1:2
Qollar: R.Hacıyev, 10 (1:0). T.Bezerra, 60 (1:1, İ.Zülfüqarlı). R.Maçado, 72 (1:2)
Cəzalılar: Tərlan Quliyev, Kamal Bayramov (hər ikisi “Şamaxı”), Eddi İsrafilov (Neftçi).
“Futbol+”in proqnozu: 30-30-40.
Hakimlər: ELÇİN MƏSİYEV, Elşad Abdullayev, Pərvin Talıbov, Kamal Umudlu.
Hakim-inspektor: Ramil Diniyev.
AFFA nümayəndəsi: Elgiz Abbasov.
Şamaxı. Şəhər stadionu. Saat 14.00

Günün ikinci matçında "Sabah" "Zirə"ni qəbul edir. Qarşılamada hesabı 40-ci dəqiqədə Zurab Oçiqava açdı. Ev sahibi ilk yarıya 1:0 üstün yollandı. Qonaqlar 58-ci dəqiqədə hesabı Keytanın qolu ilə bərabərləşdirdi. Daha sonra 58-ci dəqiqədə "Sabah" Mikelsin qolu ilə yenidən önə keçdi. Matçın final fitinə az qalmış Rodrigez görüşün taletini həll etdi - 3:1.

85. Sabah – Zirə 3:1
Qol: Z.Oçiqava, 40 (1:0). H.Keyta. 48.(1:1). C.L-Mikels, 58 (2:1). Xulio Sezar Rodrigez, 90+5. (3:1).
Cəzalılar: Ağabala Ramazanov, Coşqun Diniyev, Mehdi Cənnətov (hamısı “Zirə”).
“Futbol+”in proqnozu: 30-40-30.
Hakimlər: RƏŞAD ƏHMƏDOV, Rahil Ramazanov, Vüsal Məmmədov, Nicat İsmayıllı.
Hakim-inspektor: Anar Salmanov.
AFFA nümayəndəsi: Bəhram Qurbanov.
Bakı. “Bank Respublika Arena”. Saat 17.00




10 aprel

87. Sumqayıt - Qarabağ 0:3
Qollar: K.Borges, 16. M.Veşoviç, 67. L.Andrade, 69.
“Sumqayıt”ın bu rəqiblə ev oyunlarının balansı: 18:+4=4-10, 9-36.
2011/12 - 0:0; 2012/13 - 1:6; 2013/14 - 0:3, 1:0; 2014/15 - *, 1:2; 2015/16 - 1:0, 0:2; 2016/17 - 0:2, 0:4; 2017/18 - 1:1, 0:1; 2018/19 - 0:2, 0:6; 2019/20 - 2:1; 2020/21 - 2:2, 0:0; 2021/22 - 0:4.
* - texniki nəticə top fərqində nəzərə alınmayıb.
Cəzalılar: Rəhim Sadıxov, Murad Xaçayev (hər ikisi “Sumqayıt”).
“Futbol+”in proqnozu: 20-30-50.
Hakimlər: ƏLİYAR AĞAYEV, Zeynal Zeynalov, Akif Əmirəli, Rauf Allahverdiyev.
Hakim-inspektor: Asim Xudiyev.
AFFA nümayəndəsi: Eldəniz Musayev.
Sumqayıt. “Kapital Bank Arena”. Saat 18.30

“Sumqayıt”ın vəziyyəti hamıya bəllidi. Komanda 3-cü dövrədə qələbəyə həsrətdi. Aleksey Baqa gələndən sonra vəziyyət daha da pisləşib. “Qarabağ”da isə işlər qaydasındadı. Ağdamlılar şəriksiz liderdi və bu görüşün də aşkar favoritidi.

"Qarabağ"da "Sumqayıt"la oyun ərəfəsində əsas problem Bədavi Hüseynovla bağlıdı. Yığmanın düşərgəsində zədələnən müdafiəçi bazar günü meydana çıxa bilməyəcək. Xayme Romero da bu qarşılaşmanı zədə üzündən kənardan izləməli olacaq. "Sumqayıt"da isə iki ciddi itki var. Rəhim Sadıxovla Murad Xaçayev liderə qarşı oynamayacaq. Hər iki futbolçu sarı vərəqə limitini doldurub.

Komandalar ölkə çempionatında 37 dəfə qarşılaşıb ki, bunların 5-də “Sumqayıt”, 27-də “Qarabağ” qələbəni bayram edib. 5 görüşdə isə qalib müəyyənləşməyib. Topların nisbətində də “köhlən atlar” öndədi - 83:18. “Sumqayıt” - “Qarabağ” matçlarında ən çox fərqlənən futbolçu Reynaldodu. “Köhlən atlar”ın sabiq forvardı “kimyaçılar”ı 9 dəfə məyus edib.

88. Səbail - Qəbələ 0:3
Qollar: A.Nağıyev, 41. N.Raysel, 67. İ.Aslanlı, 73.
“Səbail”in bu rəqiblə ev oyunlarının balansı: 9:4=2-3, 11-12.
2017/18 - 1:3, 2:1; 2018/19 - 0:0; 2:1; 2019/20 - 1:1, 3:1; 2020/21 - 1:3, 1:0; 2021/22 - 0:2.
Cəzalı: Ruan Renato (Qəbələ).
“Futbol+”in proqnozu: 30-30-40.
Hakimlər: VÜQAR HƏSƏNLİ, Cəmil Quliyev, Rəhman İmami, Rəvan Həmzəzadə.
Hakim-inspektor: İmanxan Sultani.
AFFA nümayəndəsi: Ramiz Mustafayev.
Bakı. “ASCO Arena”. Saat 20.30

Turun son oyununun favorite “Qəbələ”di. Düzdü, “qırmızı-qaralar” 4 turdu qələbəyə həsrətdi. Lakin avrokuboklara vəsiqə qazanmaq istəyən Elmar Baxşıyevin komandası “Səbail”i məğlub etməlidi. “Dənizçilər” isə, sadəcə, xal ehtiyatını artırmaq üçün meydana çıxacaq. "Qəbələ"də üç zədəli oyunçu var. Fernan Lopes, Yaovi Akakpo və Gülağa Əsədov bu matçı buraxacaq. Tam bərpa olunan Samet Karakoçun oynayıb-oynamaması baş məşqçinin səlahiyyətindədi. Ruan Renato isə cəza səbəbindən matçı buraxacaq. "Səbail"də isə zədəli və cəzalı oyunçu yoxdu.

Komandalar 18 dəfə üz-üzə gəlib. Bu görüşlərin 9-da “Qəbələ” qalib gəlib, 4 görüşdə “Səbail” sevinibsə, 5 matçda qalib müəyyənləşməyib. Topların nisbətində də “qırmızı-qaralar” öndədi - 33:16. Komandaların oyunlarında ən çox fərqlənən futbolçu Baqali Dabodu. “Qəbələ”nin sabiq fransalı forvardı “dənizçilər”i 6 dəfə məyus edib.

1.Qarabağ 21 16 4 1 49-11 52
2 Neftçi 22 12 5 5 37-25 41
3.Zirə 22 10 6 6 29-23 36
4.Qəbələ 22 9 7 6 31-30 34
5.Sabah 22 10 2 10 31-28 32
6.Şamaxı 22 5 5 12 24-33 20
7.Sumqayıt21 3 5 13 12-35 14
8. Səbail 22 4 2 16 16-44 14

Bombardirlər: Volkov (Zirə) – 10, Mikels (Sabah) - 9, Ozobiç, Zubir (hər ikisi "Qarabağ") - 8.