Azərbaycan Respublikası Milli Paralimpiya Komitəsinin boccia idman növü üzrə milli komandasının üzvləri Bəhruz Mirzəyev və Sona Ağayeva Zaqreb şəhərində keçirilən “Intercontinental Challenger” çempionatında qızıl medala sahib oldular.

Bununla komandamızın aktivində medal sayı üçə çatdı. Digər idmançımız Orxan Kərimov yarışın bürünc medalını qazanmışdır.

İdmançılarımıza dəstək vermək üçün Azərbaycan Respublikasının Xorvatiyadakı fövqəladə və səlahiyyətli səfiri cənab Fəxrəddin Qurbanov da bügünkü oyunları komanda üzvləri ilə birlikdə izləyirdi.

Beləliklə Azərbaycan Respublikası Milli Paralimpiya Komitəsinin boccia idman növü üzrə milli komandasının üç üzvü Paris 2024 XVII Yay Paralimpiya

Oyunlarına ilk reytinq xallarını qazandılar, onlar bu gün vətənə qayıdacaqlar.