Qətər LQBT-yə savaş açdı
DÇ-2022-nin gedişində Qətər LQBT ilə bağlı ölkə qanunlarına tam riayət edəcək.
Bunu Qətərin Daxili İşlər Nazirliyinin Milli Antiterror Komitəsinin sədri, general-mayor Əbdüləziz Abdulla Əl-Ənsəri qeyd edib:
''Bu cür insanlar istəsə, eyni otaqda qala və bir yerdə yata da bilər. Bu işə qarışmayacağıq. Bizim əsas vəzifəmiz turniri yüksək səviyyədə təşkil etməkdi. Amma bəzi çərçivələr varki onların aşılmasına imkan verməyəcəyik. Qanunları dəyişdirə bilmərik. 28 günlüyə ölkənin dinini də dəyişdirə bilmərik. Bu problemi diqqətdə saxlamalı və onun nəzarətdən çıxmasına imkan verməməliyik. Kimsə cinsi azlığın üzərinə hücum etsə, biz təbii ki, məsələyə qarışacağıq. Amma biz qarışana qədər gec ola bilər''.
Bir müddət öncə Qətərdə Ticarət və Sənayə Nazirliyinin qərarı ilə LQBT bayrağının rənglərini əks etdirən oyuncaqlar İslami dəyərlərə zidd olması səbəbi ilə satışdan yığışdırılmışdı. Qeyd edək ki, Qətərdə homoseksuallığa görə 3 illik həbs cəzası nəzərdə tutulub. Müsəlmanlar üçün hətta şəriət qanunlarına görə ölüm hökmü də nəzərdə tutulub. Amma indiyə qədər rəsmi olaraq bu ''cinayətə'' görə həbs olunan və ya edam edilən olmayıb.
Digər xəbərlər
