“Uşaq və gənclərin fiziki və mənəvi inkişafı” istiqaməti üzrə layihə çərçivəsində yazılarımız davam edir.

Budəfəki müsahibimiz futbolsevərlərə yaxşı tanışdı. İmişli futbolunun yetirməsi olan Ruhid Usubov “MKT-Araz”da, eləcə də “İnter” və “Simurq”da oyunu ilə yadımızda qalıb. 36 yaşlı Ruhid hazırda İmişlidə azyaşlılara futbolun sirlərini öyrədir. Özü də heç bir təmənna güdmədən. Onunla söhbətdə bir çox maraqlı məqama toxunduq.



- Ruhid bəy, hər bir futbolçunun futbola gəlişinin özünəməxsus tarixçəsi var. Bəs siz futbola necə gəldiz? İlk addımlarınızı hansı məşqçinin rəhbərliyi altında atdız?

- Mən futbolla məşğul olmağa bir qədər gec başlamışam, amma həvəskar səviyyədə ağlım kəsəndən topun arxasınca qaçmışam, futbola böyük sevgim olub. 13-14 yaşlarımda məktəblərarası çempionatda oynayırdım. Həmin vaxt Süleyman İsayevin rəhbərliyi altında “İmişli” adlı komanda yaranmışdı. Bu komanda rayonumuzu Həvəskarlar Liqasında təmsil edirdi. Oyunum haqqında ona demişdilər və o da oyunuma baxmaq üçün məktəbimizə gəldi. Bir qədər sonra “İmişli”yə dəvət aldım. Bir il “İmişli”nin formasını geydim. Çox keçmədən İmişlidə “Lokomotiv” adlı komanda da yaradıldı və Nazir Muradovdan ora dəvət aldım. Bu komandayla birinci divizionun qalibi olduq. Elitaya vəsiqə qazandıq. Təəssüflər olsun ki, bəzi səbəblərdən komanda fəaliyyətini dayandırdı. Həmin vaxt rayonumuzda futbola böyük sevgi vardı. Hər oyunumuza 8-9 min azarkeş gəlirdi. Mən də bu sevginin gücüylə, doğma rayonumuzun futbolunu təmsil etmək həvəsiylə futbolda ilk addımlarımı atdım.

- Əyalətdə yaşayanların futbolla məşğul olması daha çətindi. Çünki futbol məktəbləri daha çox Bakıda cəmləşib. Siz bu baxımdan hansı çətinliklərlə üzləşdiz?

- Bizim evimizdən İmişli stadionuna 15 kilometrə yaxın məsafə var. Məşqlər isə stadionda keçirilirdi, evimizin ətrafında məşq etmək üçün şərait yox idi. İnanın, futbol həvəsim o qədər güclü idi, mən hər şeyə sinə gərməyə hazır idim. Avtomobil, yolpulu tapmayanda stadiona qədər piyada getmişəm. Özü də bir dəfə yox, dəfələrlə. Maddi vəziyyətin çətinliyi əsas problemim idi. Amma qarşıma məqsəd qoymuşdum ki, futbolçu olacam. Ona görə də belə çətinliklərə dözürdüm. Beynimdə yalnız bir fikir var idi ki, məşqə və oyunlara daim qatılım, arzuma çatım. Allaha şükür olsun ki, bunu bacardım.

- Sizi sosial şəbəkələrdə izləyirik. Görürük ki, hazırda İmişlidə uşaqlara məşq keçirsiz. Bu məşqlər hansısa məktəb çərçivəsindədi, ya öz təşəbbüsünüzdü?
- Bəli, düzgün qeyd etdiz. Hazırda uşaqlarla məşq keçirik. Gördük ki, rayonumuzda buna ehtiyac var. “Zəfər yolu” adlı futbol məktəbi açmışıq. İnanın səmimiyyətimə, İmişlidə o qədər istedadlı uşaq var ki, onların itib-batması vicdanımızı ağrıdır. Buna görə də həmin məktəbi yaratdıq. Nəsə bir addım atmalı, təşəbbüsü üzərimə götürməliydim. Hiss edirdim ki, rayonumuzda buna ehtiyac var. İstedadlı uşaqlarımızın məhv olmaması üçün bir addım atmalıydıq. Üç dostumun dəstəyi ilə bu məsuliyyəti üzərimizə götürdük. Uşaqlar bekar qalanda başqa yollara düşürlər. Onlar bilmirlər ki, asudə vaxtlarını necə keçirsinlər. Narkomaniya kimi arzuolunmaz hallar da buna görə artıb. Futbol məşqlərinə uşaqları cəlb etməklə həm sağlam nəslin yetişməsinə nail olmaq istəyirik, həm də ölkə futboluna xidmət edib, yeni istedadlar üzə çıxarmalıyıq.

- Hazırda əyalətdə uşaqların futbola, ümumiyyətlə, idmana həvəsi hansı səviyyədədi?
- Həvəsləri var, amma ümidsizlik bu həvəsi üstələyir. Valideynlər uşaqlarının gələcəyindən narahat olurlar. Çalışırıq ki, onları həvəsləndirək, dəstək olaq, inandıraq. Valideynlər ümidsizdi. Soruşurlar ki, bu uşaq gələcəkdə harda oynayacaq? Tutaq ki, 14 yaşa kimi bizdə oynadı, sonrası necə olacaq? Bu sualın qarşısında susuruq. Bizə dəstək olan dostlarımızla gələn mövsümdən Region Liqasında çıxış etməyi hədəfləmişik. Struktur düzgün qurulmalıdı. Elə olmalıdı ki, bu uşaqlar gələcəkdə batmasın. O qədər futbolçular olub ki, sonradan itib-batıblar. Məcburiyyətdən futbolu atırlar. Burdan AFFA-ya da səslənirəm. AFFA “Mil Muğan” komandasına pul ayırır, amma maraqlanmırlar ki, orda oynayan uşaqlar sonra hara gedir? Bütün bunlara görə valideynlərdə ümidsizlik yaranır. Valideynlərlə mütamadi söhbətlər edirik. Bizim yetirmələrimiz arasında milli komandalara dəvət alanlar var. Bunu nümunə göstəririk. Neçə illərdi özüm deyib, özüm eşidirəm. Rayonumuzda azı U-17 yaş qrupuna kimi komanda olmalıdı. Mən “Mil Muğan”da işləyəndə belə idi. O vaxt bizim komandada oynayanlardan hazırda üçü “Neftçi”də, “Qarabağ”da və “Zirə”də çıxış edir. Uşaqlar 15-16 yaşından sonra ofisiant işləməyə gedirlər, futbolu atırlar.



- Rayon rəhbərliyi, yerli idman idarəsinin rəhbərliyi ilə müzakirələriniz olubmu? Uşaq futbolunu inkişaf etdirmək üçün yerli orqanlardan hansısa dəstək görürsüzmü?
- Bu yaxınlarda rayon rəhbərliyi ilə görüşümüz nəzərdə tutulub. Elə uşaq futbolu mövzusunda müzakirə aparıb, onlardan kömək istəyəcəyik. Rayon rəhbərliyinə böyük ümidim var, inanıram ki, bizə dəstək olacaqlar. Yerli Gənclər və İdman İdarəsinin vasitəçiliyi ilə rayon rəhbərliyi ilə görüşümüz olacaq.

- AFFA-nın bu işdə rolu necədi? Sizinlə maraqlanan, dəstək göstərən olubmu?
- AFFA-ya da müraciət etmişim. Yusif Vəliyevlə danışıqlarımız olub. İnşallah, gələn mövsümdən “Zəfər Yolu” adıyla Region Liqasında çıxış edəcəyik. Eyni adla uşaq komandalarımız AFFA-nın keçirdiyi çempionata da qatılacaq. Ümidlərimiz, hədəflərimiz böyükdü. İnşallah, AFFA-nın da dəstəyi ilə işimiz irəli gedəcək. AFFA-nın icraçı vitse-prezidenti Elxan Məmmədovla da görüşməliyik. Biz doğru yol tutmuşuq. AFFA da bizə dəstək olsa, İmişlidə futbol olacaq və inkişaf edəcək. Buna inanıram.

- Son sualım ümumi uşaq futbolu ilə bağlıdı. Uşaq futbolunun problemləri ilə bağlı fikirləriniz necədi? Problemlər və onların həlli yollarını nədə görürsüz?
- Bu problemlər hamımıza yaxşı tanışdı. Uşaqlara dəstək olmaq, onları həvəsləndirmək lazımdı. Adicə formaların, topların uşaqlara hədiyyə olunması onlar üçün motivasiyadı. Bizim özümüzün bu işlərə gücümüz çatmır, təkbaşına hər şeyi edə bilmirik. İstəyirik ki, daha irəli gedək. Uşaq futboluna diqqət daha da artırılmalıdı, dəstək göstərilməlidi. Bu gün uşaq futboluna dəstək yoxdusa, hansısa inkişafdan danışmağa dəyməz.

İLKİN SULTANLI



Yazı Azərbaycan Respublikası Medianın İnkişafı Agentliyinin maliyyə dəstəyi ilə, “Uşaq və gənclərin fiziki və mənəvi inkişafı” istiqaməti üzrə hazırlanıb.

Son xəbərlər

Suarezin yeni klubu bəlli oldu

"Araz Naxçıvan"ın minimalhesablı qələbəsi - VİDEO

MY onu komandada saxlamaq istəyir

"Barselona"da itki

"Meydanda daha çox mübarizə aparmalıyıq" - Qurban Qurbanov

"Barselona" "İnter"lə oyunun hakimini şikayət edəcək

"Əlimizdən gələni edəcəyik" - Şahruddin Məhəmmədəliyev

FIFA Namik Ələskərova görə "Bursaspor"u cəzalandırdı

"Frayburq"un baş məşqçisi koronavirusa yoluxdu

"Kəpəz-2" və "Turan Tovuz-2"dən qələbə, MOİK məğlub oldu - YENİLƏNİB

Cüdoçularımızın dünya çempionatındakı rəqibləri bilindi

"Qarabağ" Afinada - FOTOLAR

"Barselona" UEFA-ya şikayət edəcək

"Real"da ciddi itki

Baş məşqçisi Marselonu "Qarabağ"la matçda meydana buraxmaq istəmir

"Kəpəz" xorvatiyalı qapıçını transfer etdi

"Neftçi"nin futbolçusu evləndi

Ümumdünya Şahmat Olimpiadasında 3-cü tur sona çatdı - FOTOLAR

“Kəpəz” braziliyalı hücumçunun transferində maraqlıdı

"Napoli" İtaliya futbolunda ilkə imza atdı

AFFA Velebitin iradlarına cavab verdi

47 dəqiqəlik derbi

Cavid Hüseynov “Cəbrayıl”ı bir məktəbdə oxuduğu dostuna tapşırıb

"Türkiyədə pul futboldan önə keçib, amma "Qarabağ"da belə deyil" - Türkiyəli ekspert

İspaniya klubu azərbaycanlı futbolçunun transferini açıqladı

"Qarabağ"ın rəqibinin futbolçusu əməliyyat edildi

"Barselona"nın yeni antirekordu

Qurban Qurbanov "Olimpiakos"la oyundan öncə narahat olduğu məqamlardan danışdı - MÜSAHİBƏ

"Biz öz gücümüzü bütün mövqelərdə göstərdik" - Çalhanoğlu

Millimizin sabiq üzvü seçkidə uduzdu

Mata idarəçilik kurslarına qatılacaq

"Olimpiakos" - "Qarabağ" matçında anşlaq olacaq

"Barselona" uduzdu, "Bavariya" və "Napoli"dən darmadağın

“Napoli” ona görə növbəti cəhdə əl atmayacaq

Dünya çempionatını buraxa bilər

Emin Mahmudov: "Böyük məbləğdə mükafat almamışıq" - VİDEO

“Mançester Siti”də yeni müqavilə

“Neftçi”yə lazım olmadı, 6 ölkədən təklif aldı – AÇIQLAMA

Klopp niyə qayğılıdı?

“Milan”ın oyunçusu üçün il erkən sona çatdı

“Turan Tovuz” bu problemə çarə tapa bilmir - AÇIQLAMA

Yanvarda iş yerini tərk edəcək

Əfqan Talıbov çempionluğun taleyinin həll olunduğunu düşünür - AÇIQLAMA

Yığmamız məğlub oldu

"İki oyundan maksimum xal toplamaq istəyirik" - Joze Alesio

Bütün xəbərlər