“Hazırda "İdman TV"nin fəaliyyəti nədən ibarətdi, bilən var? Bir zamanlar Avropanın öndə gedən futbol liqalarının oyunlarını və bir çox digər idman yarışlarını canlı yayınlayan kanal hazırda yalnız Türkiyə basketbol və voleybol çempionatları ilə kifayətlənir. Hətta Formula-1 üzrə dünya çempionatı da kanalın yayınından qaldırılıb. Məqsəd nədi?
Kanalın büdcəsi bu qədər kasaddı ki, heç bir yayın almağa imkanı çatmır? Hökümət tərəfindən dövlət televiziyasına hər il heç də az olmayan maliyyə ayrılır. Axı ayrılan büdcə 1-2 nəfərin kamera karşısına keçib söhbət etməsi və ya keçmiş proqramların yayını üçün ayrılmayıb. Kanaldan çıxıb heç bir məsul şəxs bütün bunlar barədə açıqlama vermir. Bir idman kanalında lazımi idman yarışlarını izləməyə imkanımızı olmayacaqsa, o halda bu kanalın saxlanılması, ona mənim ödədiyim vergidən büdcə ayrılmasına nə ehtiyac var?
Təsəvvür edin ki, ölkəmizdə keçiriləcək F1 üzrə “qran-pri” yarışını da izləməkdən məhrum olacağıq. Bir şey dəyişməsə. “İdman TV” ölkədə idmanın kütləviliyini təqdim edə bilmirsə, bu kanalın faydası nədir? Kanalda kifayət qədər savadlı və bilikli kadr var. Amma bu heç nəyi dəyişmir. Mən bir idman azarkeşi kimi "İdman TV"də idman görmək istəyirəm, hərəkət görmək istəyirəm, tok-şoular yox. Ümid edirəm, tezliklə kanal əvvəlki fəaliyyətinə qayıda biləcək. Yoxsa rebrendiqlərlə bu iş çox getməyəcək”.

“Kanal nəzərdə tutulan formada fəaliyyətini davam etdirir, fəaliyyətlə bağlı problemimiz yoxdu. Verilişlərimiz, yayınlarımız qaydasındadı. Yayın coğrafiyasını genişləndirmək istiqamətində planlaşdırma aparılıb, reallaşdırılması üçün tədbirlər görülür”.