“Şahdağ” fəaliyyətini idman klubu kimi davam etdirəcək - AÇIQLAMA
“Şahdağ”ın Region Liqasından uzaqlaşdırılmasından xəbərdarsız.
Quba təmsilçisi son iki qrup oyununda meydana çıxmadığına görə AFFA İntizam Komitəsi tərəfindən texniki məğlubiyyət aldı. Bununla da komanda yarışdan kənarda qaldı. Xatırladaq ki, qış fasiləsində futbolçular və baş məşqçi Qəzənfər Abbasov düşərgəni maliyyə səbəbindən tərk etdiyi üçün komanda meydana çıxa bilmirdi. Görəsən, İntizam Komitəsi bu qərarı verəndən əvvəl və ya sonra klubla əlaqə saxlayıb? Bundan sonra Quba təmsilçisi fəaliyyətini davam etdirəcəkmi?
Sualarımızı “Şahdağ”ın prezidenti Xanbaba Daşdızadəyə ünvanladıq: “Region Liqasından kənaşlardırmaqla bağlı çox danışmaq istəmirəm. Bununla bağlı iki gündü Türkiyədən olan vəkillərimiz araşdırma aparır. İntizam Komitəsinin qərarları haqda mənə heç bir rəsmi elektron məktub göndərilməyib. Apellyasiya şikayəti üçün vaxt məhdudiyyəti pozulub. İkinci texniki məğlubiyyətdən bir gün sonra püşkatma baş tutub. Klub fəaliyətini davam etdirəcək. Dünəndən etibarən “Şahdağ”ın idman klubu kimi fəaliyyətə başlaması üçün rəsmi proseslərə start vermişik. Futbol sahəsində olan tək planımız Türkiyə superliqasının bu mövsüm iddialı klublarından biri ilə danışıqlar aparmaqdı. “Şahdağ”la Türkiyə klubu arasında əməkdaşlığa start verəcəyik. Əməkdaşlıq uşaqlar və gənclərlə bağlı olacaq. 6 yaş qrupunda uşaqlardan ibarət, eyni zamanda gənclərdən ibarət komanda formalaşdıracağıq. Daha sonra isə federasiyalarla boks, taekvondo, güləş, cüdo və başqa idman növləriylə bağlı rəsmi danışıqlara başlayacağıq”.
GÜNAY VƏLİYEVA
Digər xəbərlər
