Bu gün yığma komandamız Maltada ikinci yoxlama görüşündə Latviya ilə üz-üzə gəlir.

Qarşılaşma nəticə baxımından hər iki komanda üçün önəmli deyil. Buna baxmayaraq qələbə qazanmayan milliyə acıqlı olan cəmiyyətin fikirləri azca da olsa, dəyişə bilər. Görüş “CBC Sport” kanalından canlı yayınlanacaq.

Beynəlxalq yoxlama görüşü
AZƏRBAYCAN - Latviya 0:1
Qol: V.Qutqovski, 87.
Vərəqə: Q.Qarayev, 31. Dubra, 90 (ikinci sarı) - qırmızı
Hakimlər: TRUSTİN FARRUGİA KANNA, Luke Portelli, Dunkan Sultana, Andrea Skiriha (Malta).
Malta. Ta'Qali. Milli stadion. Saat 15.00

16-cı dəqiqədə Qara Qarayevin uzaqdan zərbəsi dirəyə dəydi. Bununla yanaşı, "Qarabağ"ın futbolçusu yığmadakı 75-ci oyununda 31-ci dəqiqədə birbaşa qırmızı vərəqə alaraq meydanı tərk etdi. İlk hissədə hesab açılmadı. Millinin heyətində Səlahət Ağayev inamlı təsir bağışlayır.
87-ci dəqiqədə Latviyanın heyətində Qutqovski fərlənərək yekun hesabı müəyyənləşdirdi. Bununla da milli komandamız tarixində məğlub olmadığı Latviyaya uduzaraq bir "ilk"i gerçəkləşdirdi.


SƏNƏM FƏRHADOVA