"Təlim-məşq toplanışını kifayət qədər məhsuldar davam etdiririk. Yaxşı çıxış etmək üçün gözəl şərait yaradılıb. Milli komandalarda bu qədər məhsuldar məşq etmək həqiqətən nadir hallarda olur. Bizim vəzifəmiz oyunun kritik elementləri üzərində işləməkdir. İyun ayında Millətlər Liqasında oynayacağıq. Hər şey plana uyğun gedir, futbolçuların əhval-ruhiyyəsi yaxşıdır, motivasiyalıdılar. Hər oyunda əsas vəzifəmiz qələbə qazanmaqdı. İstər rəsmi oyun olsun, istərsə də yoldaşlıq oyunu. Bundan əlavə, addım-addım irəliləməyə çalışaraq, oyun tapşırıqlarımızı həll edirik. Küveytlə matçda komanda kifayət qədər yaxşı oynadı. Standart vəziyyətlərdə böyük potensialımız var. Bunlardan istifadə etməliyik. Eyni zamanda, pozisiyalı hücumlarla yanaşı, əks-hücumlarda da effektiv olmağa çalışmalıyıq. İtkilərimiz var. Bununla belə, Azərbaycanla oyunda ən yaxşı futbolçular meydana çıxacaq. İki matç arasında üç gün vaxt olmağı futbolçuların bərpasına kömək edir. Yeni gələn oyunçular çox yaxşı təəssürat yaratdılar. Düşünürəm ki, onların komandaya qoşulması bizə müsbət təkan verdi. Sabahkı matçda debütlər mümkündür. Məşqdə gördüklərimdən deyə bilərəm ki, bu futbolçuları çağırdığım üçün peşman deyiləm".