Latviyalı müdafiəçi Azərbaycanla görüşdə hansı hədəf üçün oynayacaqlarını bilmir - AÇIQLAMA
Latviya yığmasının mərkəz müdafiəçisi Krister Tober yerli mətbuata açıqlama verib.
Zədəsini sağaltdıqdan sonra yenidən milliyə dəvət alan 22 yaşlı oyunçu Küveyt və Azərbaycanla keçiriləcək yoldaşlıq görüşləri barədə fikirlərini bölüşüb:
“Küveyt və Azərbaycanla matçda qarşıya qoyulan hədəfin nə olduğu barədə hələ danışmamışıq. Diqqətimizi yalnız öz oyunumuza yönəldirik. Düzünü desəm, Küvet və Azərbaycan önündə nə gözlədiyimi bilmirəm. Çünki onların oyunlarına hələ baxmamışam, heyətlərində hansı futbolçuların olduğunu bilmirəm. Amma ən yaxşı oyunumuzu göstərməyə çalışmalıyıq. Bu matçlarda bir çox funksiyaları inkişaf etdirmək lazımdı. Ancaq istənilən halda hər iki görüşdə mütləq qalib gəlmək istəyirik. Bunu nəzərə alaraq Maltaya gəlmişik”.
[justify][/justify]
