Elmar Baxşıyev milliyə çağırılmayan futbolçularına bunu məsləhət gördü - AÇIQLAMA
Son günlərin ən aktual mövzusu milli komandaya dəvət alan və çağrılmayan futbolçulardı.
Canni de Byazi yenə aləmi bir-birinə qatıb. Futbol ictimaiyyəti ən çox “Qəbələ”nin oyunçularının ölkənin əsas komandasına çağırılmamasından narazıdı. Rövlan Muradov, Murad Musayev, Ülvi İsgəndərov, elə Asif Məmmədov yığmaya layiq olduğunu bildirir. Bu gün keçirilən mətbuat konfransında da bu məsələ ilə bağlı italiyalı mütəxəssisə sual ünvanlanıb. Təcrübəli mütəxəssis müzakirələrə yol açan cavablar verib.
Görəsən, “Qəbələ”nin çalışdırıcısı Elmar Baxşıyev yalnız Nicat Mehbalıyevin yığmaya çağırılması haqda nə düşünür? Rövlan Muradov, Murad Musayev, Ülvi İsgəndərov və Asif Məmmədovu da millinin heyətində görür? Gənc mütəxəssisin De Byazinin seçimi ilə bağlı fikirləri belə oldu:“Bu məsələlərlə bağlı ancaq yığmanın baş məşqçisi danışsa, daha yaxşı, münasib olardı. Hər çalışdırıcının öz sistemi və oyun üslubu var. Buna görə də mənim nəsə deməyim heç nəyi dəyişməyəcək. Adını çəkidiyiniz futbolçulara bir məsləhət vermək istəyərdim. Daha çox çalışıb, komandalarına fayda verib, növbəti dəfə yığmaya çağrılmağı gözləsinlər”.
İLKİN SULTANLI.
Digər xəbərlər
