"Hər görüşə final kimi baxırıq" - İbrahim Uzunca
Dünən Region Liqasında pley-off mərhələsinin püşkatma mərasimi keçirilib.
"Xan Lənkəran"ın rəqibi "Şirvanovka" olub. Lənkəran təmsilçisinin baş məşqçisi İbrahim Uzunca püşk barədə fikirlərini bizlə bölüşüb:"Mən "Şahdağ"da çalışanda onlarla qarşılaşmışıq. "Şirvanovka" ilə iki dəfə oynadıq və qələbə qazandıq. Təbii ki, komandada bəzi dəyişikliklər var. Pley-offa vəsiqə qazanan hər rəqibi ciddiyə alırıq, hər görüşə final kimi baxırıq. "Şirvanovka"nın son matçlarını izləyəcəm, onlar haqda məlumat toplayacam. Qarşılaşmaya ən yaxşı şəkildə hazırlaşacağıq. Futbolçularım tam hazırdı. Məşqlərimiz davam edir. Heç bir yarışda “bu komanda 100 faiz qalib gələcək” demək olmur. Dünyanın ən güclü komandaları belə gözləmədiyimiz halda uduzur. Biz öncə özümüzə, daha sonra oyunumuza güvənirik. Bunu da meydanda göstərəcəyik. Daha yaxşı nəticə qazanacağımıza inanıram. "Şirvanovka"nın stadionunun ot örtüyündə problem var. Ümumiyyətlə, bilirsiz ki, bir çox komandaların stadionunda vəziyyət yaxşı deyil. Biz o şərtlərə uyğun hazırlaşırıq. Pley-offa vəsiqə qazanan klubların səviyyəsi bərabərdi. Hamsına hörmət edirəm".
GÜNAY VƏLİYEVA
