Bu gün Region Liqasında pley-off mərhələsinin daha dörd oyunu keçirilib.

Qrup mərhələsində bütün oyunları qələbə ilə başa vuran “Qusar” pley-offun ilk görüşündə “Ağstafa” ilə qarşılaşıb. Kamran Əlibabayevin çalışdırdığı komanda qərbliləri meydana çıxmağa peşman ediblər. Şimallılar qonaqrın qapısından 8 cavabsız top keçiriblər.

“Astara” – “Füzuli” cütündə isə nominal qonaqlar qalib gəlib – 1:2. İlk yarıda astaralılar penaltidən yararlana bilməyiblər. Onu da qeyd edək ki, qarşılaşma “Astara”nın ev oyunlarını keçirdiyi Rüdəkənarda yox, Binə stadionunda keçirilib.

Qrup mərhələsini 3-cü pillədə başa vuran “Ümid”i Mingəçevirə səfər gözləyirdi. Oyundan əvvəl cütün favoriti kimi “Energetik” göstərilsə də cəlilabadlılar “işıqçılar”a müqavimət göstərə bilib. “Nur şəhəri”nin təmsilçisi öz meydanında “Ümid”lə qolsuz bərabərə qalıb.

“Xan Lənkəran” da doğma azarkeşlərini sevindirib. İbrahim Uzuncanın çalışdırdığı komanda “Şirvanovka”nı 3 dəfə meydanın mərkəzinə dəvət edib.
Xatırladaq ki, dünən keçirilən qarşılaşmalarda “Ağsu Siti” “Karvan”ı 2:0 hesabı ilə yenib. “Cəbrayıl” isə səfərdə “İmişli”ni məyus edib – 5:1.
Region liqası, pley-off mərhələsi

İlk oyunlar

26 mart

Ağsu Sirti – Karvan (Yevlax) 2:0
İmişli – Cəbrayıl 1:5
27 mart
Qusar – Ağstafa 8:0
Astara – Füzuli 1:2
Energetik (Mingəçevir) – Ümid (Cəlilabad) 0:0
Xan Lənkəran – Şirvanovka 3:0

RƏŞAD