Elşad Quliyev AÇ-də ilk “üçlüy”ü nişan verdi - AÇIQLAMA
Mini-futbol millimizin Avropa çempionatındakı rəqibləri bəlli olub.
Yığma B qrupunda Rumıniya, İspaniya və Albaniya ilə qarşılacaq. Oyunlar iyunun 4-11-i aralığında baş tutacaq.
Komandanın hazırkı durumu, həmçinin rəqiblər haqda fikirlərini öyrənmək üçün baş məşqçi Elşad Quliyevlə danışdıq: "Milli komanda hələ yığışmayıb. Növbəti ay bir araya gələcəyik. Yalnız ondan sonra kollektivin durumu ilə bağlı nəsə deyə bilərəm. Püşkə gəlincə, rəqiblərimiz çox güclüdü. Rumıniya 6 dəfə Avropa çempionu olub. İspaniya da futbol ölkəsidi. Püşkdən öncə Albaniya üçüncü, biz isə dördüncü səbətdəydik. Yəni rəqiblərin hər biri reytinqdə bizdən üstündü. Rəqiblər güclü olsa da, məqsədimiz yaxşı çıxış etməkdi. Avropa çempionatında ilk "üçlük"də olmaq istəyirik".
GÜNAY VƏLİYEVA
