Arbeloa dilinin bəlasına düşdü

Alvaro Arbeloa dilinin bəlasına düşüb. İngiltərə Futbol Assosiasiyası (İFA) “Fulhem”in baş məşqçisinə hakimliklə bağlı açıqlamalarına görə ittiham irəli sürüb.

"Football-plus.az" xəbər verir ki, bu haqda “The Touchline” nəşri məlumat yayıb. Arbeloa premyer-liqanın 5-ci turunda “Mançester Yunayted”lə 1:1 hesablı heç-heçədən sonra verdiyi açıqlamada hakimlərin qərarlarının rəqibin xeyrinə olduğunu və komandanın məğlubiyyətdən qaçmasına şərait yaratdığını bildirib.

İFA hesab edir ki, məşqçinin sözləri hakimə qarşı qərəzli yanaşma olduğunu və onun dürüstlüyünü şübhə altına aldığını göstərir. Arbeloaya ittihama cavab verməsi üçün oktyabrın 2-dək vaxt verilib.

Qeyd edək ki, “Fulhem” 5 turdan sonra 2 xalla turnir cədvəlində 19-cu yeri tutur. “Mançester Yunayted” isə 5 xalla 12-cidi.