Flik noyabrda Dambrauskasın prostatını müayinə edəcək? – iki həkim Azərbaycanı şoka saldı

“Liv Bona Dea Hospital”da çalışan tanınmış həkim Elbəyi Daşdəmirli hansısa səhəbdən həmin xəstəxanaya baş çəkən “Sabah”ın baş məşqçisi Valdas Dambrauskasla şəklini paylaşıb və altında belə yazıb: “Tibb və idmanın kəsişdiyi gözəl bir görüş. Əladı belə...”

Əslində bu paylaşımda qəribə nəsə yoxdu. Amma... Daşdəmirlinin Mərkəzi Klinikada çalışan həmkarı Yasin Haxverdiyevin paylaşıma yazdığı şərh hamını şoka salıb: “Abi, noyabrda məhşur alman uroloqu Hans-Diter Flik Bakıda prostat muayinəsi icra edəcəkmiş bu müəllimə deyirlər...

Bu da Daşdəmirlinin həmkarına cavabım: “Elə həmin oyuna hazırlayıram”.

Təbii ki, həkimlər noyabrda Bakıda keçiriləcək “Sabah” – “Barselona” oyununu nəzərdə tuturlar. Amma ölkənin tanınan həkimlərinin böyük uğurlar qazanan bir mütəxəssisi bu şəkildə lağa qoymaları nə həkimlik, nə də insanlıq etikasına sığır. İndi belələrinə canını necə etibar edəsən?!

ORXAN