“Qəbələ” klubu ilə Yohan Kroyff institutu arasında rəsmi tərəfdaşlıq müqaviləsi imzalandığından xəbəriniz var. Bu barədə bir müddət əvvəl ictimaiyyətə açıqlama vermişdik. Və bu tərəfdaşlıq çərçivəsində klubun iki əməkdaşı – mən və baş menecer Nail Kərimov bu institutda magistr təhsili alacağıq. Nail bəy idman menecmenti, mən isə idman marketinqi və sponsorluq proqramı üzrə təhsil alacağıq. Təhsil onlayn olacaq və 13 ayı əhatə edəcək. Martın 1-dən dərslər başlayıb. Bu təhsil ocağında dünyanın bir çox ölkələrindən tələbələr var. Amerikadan tutmuş Səudiyyə Ərəbistanına kimi idman keçmişi olan, idmanın fərqli sahələrində çalışan, bu yöndə yeni addım atan nümayəndələri görmək mümkündü. İşimdən isə ayrılmıram. Təhsil onlayn olduğundan “Qəbələ”də işimi davam etdirəcəm”.