"Futbolçulara demişəm ki, belə oynamağa haqqımız yoxdu" - Yuri Vernidub

"Neftçi" Misli premyer-liqasının 5-ci turunda Yevlax şəhər stadionunda "İmişli"ni 3:2 hesabı ilə məğlub edib.

"Football-plus.az" xəbər verir ki, "ağ-qaralar"ın baş məşqçisi Yuri Vernidub oyunsonrası mətbuat konfransında jurnalistlərin suallarını cavabladı.

- Niyə belə çətin qələbə qazandız?
- Birinci hissədə istədiyimiz kimi oynayırıq. Hansısa komanda 0:2 öndə olarkən hesab bərabərləşirsə, bu, yaxşı hal deyil. Futbolçulara demişəm ki, belə oynamağa haqqımız yoxdu, eyni səhvləri təkrarlamalı deyilik. Anlayıram ki, süni örtüklü meydançada oynamaq çətindi. Amma "İmişli" də eyni meydançada oynayır. Səhvləri araşdıracağıq, hər kəslə danışacağıq. Çox yersiz 2 qol buraxdıq. Bunları etməməli idik.

- Oyun bitəndən sonra hakimə narazılığınızı bildirirdiz?
- Hakimə narazı olduğum hansısa məqamla bağlı heç nə demədim.

- Qustavo Klisman gözəl qol vurdu. Bu, mövsümün qolu seçilə bilər?
- Bəli, bundan da yaxşı qollar görmüşəm. Məni sevindirən odu ki, yeni oyunçular performanslarını artırıblar. Digər xoş tərəf isə odu ki, meydana sonradan buraxdığımız futbolçu belə gözəl qol vurdu və bizə qələbə qazandırdı.

- Qeyd etdiz ki, yersiz qollar buraxdıq. Müdafiə xəttində çıxış edən futbolçuları tez-tez dəyişmək oyuna mənfi təsir etmir?
- Axtarışdayıq. Mərkəz müdafiəçiləri ilə digər oyunçular arasında əlaqələri yoxlamaq üçün bu cür gedişlər edirik. Əsas odu ki, əlimizdə 4 yaxşı mərkəz müdafiəçisi var. Hamı oynamaq istəyir. Çalışacağıq ki, hamıya şans verək.

- Bassala Sambunun adı oyunun iştirak ərizəsində yox idi. O, komandadan gedəcək?
- Bunu zaman göstərəcək. Hələ ki bizimlədi. Bəzi nüanslar var ki, komandanın daxilindədi. Bunları araşdıracağıq. Sambu başa düşməlidi ki, futbola futbol kimi yanaşmaq lazımdı.