"Sabah"ın pley-off matçını "finalların hakimi" idarə edəcək

Çempionlar Liqasının pley-off mərhələsində keçiriləcək “Sabah” – “Hapoel” (Beer-Şeva) cavab oyununun hakim təyinatları açıqlanıb.

"Football-plus.az" xəbər verir ki, avqustun 25-də Tofiq Bəhramov adına Respublika stadionunda keçiriləcək görüşü rumıniyalı hakimlər briqadası idarə edəcək.

Matçın baş hakimi İştvan Kovaç olacaq. Ona Mixay Marika və Ferents Tunyodi kömək edəcəklər. Dördüncü hakim funksiyasını Sabolç Kovaç yerinə yetirəcək.

VAR hakimi almaniyalı Bastian Dankert, onun köməkçisi isə rumıniyalı Katalin Popa olacaq.

Qarşılaşma saat 20.45-də başlayacaq. İlk matçda İsrail təmsilçisi 2:1 hesabı ilə qalib gəlib.

Maraq üçün qeyd edək ki, İştvan Kovaç Avropanın məşhur hakimlərindən sayılır. O, 2025-ci il Çempionlar Liqasının PSJ - "İnter", 2023-cü il Avropa Liqasının "Atalanta" - "Bayer", 2022-ci il Konfrans Liqasının "Roma" - "Feyenoord" final oyunlarını idarə edib.