“Barselona” ilə birdəfəlik anlaşdı

Joao Kanselo yeni mövsümə də “Barselona”da başlayacaq.

"Football-plus.az" xəbər verir ki, portuqaliyalı müdafiəçi azad agent kimi bu kluba keçib. 32 yaşlı futbolçu “Barselona” ilə müddəti 2029-cu ilin yayınadək nəzərdə tutulan müqavilə imzalayıb.

Xatırladaq ki, Kanselo daha əvvəl iki dəfə icarə əsasında “Barselona”da çıxış edib. O, 2023/24 mövsümündə “Mançester Siti”dən Kataloniya klubuna icarəyə verilib, sonra “Əl-Hilal”a keçib. Portuqaliyalı müdafiəçi 2026-cı ilin yanvarında yenidən icarə əsasında “Barselona”ya qayıdaraq komanda ilə İspaniya çempionu olub.

Joao “Barselona”nın heyətində bütün turnirlərdə 65 oyuna çıxıb, 6 qol vurub və 9 məhsuldar ötürmə edib.