“San-Xose” pley-off şansını itirən ilk komanda oldu
“San-Xose” cari mövsümdə pley-off şansını itirən ilk komandadı.
"Football-plus.az" xəbər verir ki, 68 oyundan sonra 45 xal toplayan “Şarks” Qərb konfransının turnir cədvəlində sonuncu – 16-cı yerdə qərarlaşıb. Bu komanda sonuncu dəfə 2019-cu ildə Stenli kuboku uğrunda mübarizə aparanlar sırasında olub, hətta Qərb konfransında finala qədər irəliləyərək “Sent-Luis”ə uduzub.
Bu arada “Vaşinqton”un baş məşqçisi Spenser Karberi maraqlı açıqlama verib. O, MHL-in bütün klublarının Aleksandr Oveçkiinin Ueyn Qretskinin rekordunu qırmaq uğrunda mübarizəsini izlədiyinə əmindi:
“Bizlə yanaşı, liqanın qalan komandaları da Oveçkinin rekordlar arxasınca qaçmasını izləyirlər, buna xüsusi diqqət yetirirlər. Ancaq sizi əmin edirəm ki, heç biri Oveçkinin rekord qolunu məhz onların qapısına vurmasını istəmir. Bunu dəqiq bilirəm”.
Xatırladaq ki, “Vaşinqton”un 39 yaşlı rusiyalı ulduzu martın 16-da cari mövsümdə 34-cü, MHL karyerasında müntəzəm çempionatda 887-ci qolunu vurub. İndi onu Qretskinin rekordundan (894) cəmi 7 qol ayırır.
18 mart
Boston – Baffalo 2:3 ОТ (2:1, 0:1, 0:0, 0:1)
Kolambus – Nyu-Cersi 1:2 (0:0, 0:2, 1:0)
Tampa-Bey – Filadelfiya 2:0 (1:0, 0:0, 1:0)
Toronto – Kalqari 6:2 (1:1, 4:0, 1:1)
Minnesota – Los-Anceles 3:1 (0:1, 1:0, 2:0)
19 mart
Monreal – Ottava 6:3 (1:1, 0:1, 5:1)
Reyncers – Kalqari 1:2 (1:2, 0:0, 0:0)
Pittsburq – Aylenders 2:4 (2:0, 0:0, 0:4)
Vaşinqton – Detroyt 4:1 (1:1, 0:0, 3:0)
Dallas – Anahaym 4:3 ОТ (1:0, 1:3, 1:0, 1:0)
Neşvill – Sent-Luis 1:4 (0:2, 1:1, 0:1)
Çikaqo – Sietl 2:6 (2:1, 0:4, 0:1)
Edmonton – Yuta 7:1 (3:0, 2:1, 2:0)
Vankuver – Vinnipeq 6:2 (3:1, 2:1, 1:0)
Digər xəbərlər
