Dünya çempionatında iştirak etməyəcək

Niderland yığmasının dünya çempionatı üçün iştirak ərizəsində dəyişiklik edilib.

"Football-plus.az" xəbər verir ki, Yurryen Timber səhhətindəki problemlə əlaqədar turnirdə iştirak etməyəcək. “Arsenal”ın müdafiəçisinin qasıq nahiyəsindəki zədəsi tam sağalmayıb. 24 yaşlı futbolçu bu səbəbdən milli komandanın düşərgəsini tərk edib. Timberin yerinə “Sanderlend”in müdafiəçisi Lyutsxarel Geertröyda yığmaya çağırılıb.

Timber son mövsümdə “Arsenal”ın heyətində keçirdiyi 44 oyunda 4 qolun və 7 məhsuldar ötürmənin müəllifi olub.