“Oyuna yüksək səviyyədə hazırlaşmışıq. Əlimizdən gələni edəcəyik ki, premyer-liqaya vəsiqə qazanaq. Tarixi uğurun biraddımlığındayıq. Özümüzə güvənirik, inamımız böyükdü. O başqa məsələ ki, favorit “Qəbələ”di. Rəqib premyer-liqa klubudu, çox yaxşı məşqçilər korpusu və futbolçuları var. Bizdə də yetərincə keyfiyyətli oyunçular var. Əksər futbolçuların premyer-liqa təcrübəsi var. Ən yaxşısını etməliyik. Həmişə komandama istər meydanda, istərsə də meydandan kənarda kömək etməyə çalışmışam. Bu dəfə də maksimum dəstək olmağa çalışacam. Final oyununda nə etmək lazımdısa, onu da edəcəyik”.