Birinci liqada elitaya vəsiqə uğrunda pley-off oyununda iştirakla bağlı gərginlik son həddə çatıb. Artıq “Şəfa”nın çempion kimi premyer-liqaya vəsiqə qazandığı bəllidi.

İndiki durumun qəribəliyi ondan ibarətdi ki, 1-ci liqada 2-ci yeri tutmağa, deməli, həm də “Qəbələ” ilə pley-off oyununa çıxmağa iki iddiaçı var. Əvvəlcə turnir cədvəlindəki duruma nəzər salaq:
...2. Səbail 26 14 8 4 51-19 51
3. Mingəçevir 26 14 6 6 51-26 48
4. Baku Sportinq 26 13 9 4 39-22 48
5. Şahdağ Qusar 26 12 6 8 35-25 42
Sonuncu – 27-ci turun mayın 22-də keçiriləcək oyunlarında “Şahdağ Qusar” “Baku Sportinq”i, “Mingəçevir” “Səbail”i qəbul edəcək.
“Mingəçevir”lə səfər oyununda “Səbail”a heç-heçə də bəs edir. "Mingəçevir" və "Baku Sportinq" qalib gələcəyi təqdirdə artıq üç komandanın xalı eyni olacaq. Amma belədə qələbə sayı önə çıxacaq ki, bu göstəricidə "Mingəçevir" hamıdan öndə olacaq, yəni 2-ci yeri tutacaq.
Beləliklə, "Səbail"in də taleyi öz əlindədi, "Mingəçevir"in də. Son turda bizi Mingəçevirdə amansız mübarizə gözləyir.
Onu da xatırladaq ki, hər iki oyun mayın 22-si, saat 17.00-da start götürəcək.

MÜZƏFFƏR QULUZADƏ