“Rəhbərliklə xırda detalları danışmamışıq. Komandadan təklif gəlsə, digər işlərimlə uyğun gəlsə, gələn mövsüm də qalaram. Hazırda “Araz-Naxçıvan”da U-17 komandasının baş məşqçiyəm. O kluba məxsusam. Gələn mövsüm işlər yolunda davam etsə, problem yaratmasa, həm məşqçi, həm də futbolçu kimi “Zəngəzur”da canla-başla qala bilərəm. Gücüm var, məşqlərdə həm iştirak edirəm, həm oynayıram. O qədər də ölü deyiləm (gülür). Bədənim düşməyib. 2-ci liqa daha ciddi çempionatdı. Futbolçu kimi oynamağa gücüm çatmasa, görsəm ki, dayanmaq vaxtıdı, məşqçi kimi davam edəcəm. Təcrübəli futbolçularımız var. Amma güclənməliyik. Məqsəd 2-ci liqada da çempion olmaqdısa, möhkəmlənməliyik. Yaxın gələcəkdə her şeyə aydınlıq gələcək”.