Nəriman Axundzadənin "Kolambus Kryu"dakı maaşı bəlli olub.

"Football-plus.az" xəbər verir ki, bu barədə MLS-in Oyunçular Assosiasiyasının rəsmi internet portalında dərc edilib.

Məlumata görə, 22 yaşlı hücumçunun Ohayo təmsilçisindəki illik məvacibi 550000 ABŞ dolları müəyyən edilib. Ödəniləcək vergilər də hesaba qatıldıqda bu məbləğ ümumilikdə 633 389 dollar təşkil edir.

Xatırladaq ki, Nəriman cari ilin fevralında "Qarabağ"la vidalaşaraq "Kolambus Kryu"nun sıralarına qoşulub. Gənc futbolçu MLS klubu ilə 2029-cu ilin iyununa qədər davam edəcək rəsmi müqaviləyə imza atıb.