UEFA qarşıdan gələn avrokubokların final matçlarına təyinat alan hakimlərin adlarını açıqlayıb.

Mayın 30-da Macarıstanın paytaxtı Budapeştdə PSJ ilə ''Arsenal'' arasında baş tutacaq Çempionlar Liqasının finalını almaniyalı Daniel Zibert idarə edəcək. Mayın 20-da İstanbulda yerləşən ''Beşiktaş Park''da baş tutacaq Avropa Liqasının finalında ''Frayburq'' ilə ''Aston Villa'' qarşılaşacaq. Bu oyuna fransalı Fransua Letesye təyinat alıb.

Əslində Letesye iki mövsümdü, UEFA-da ən yaxşı hakimdi. Sadəcə o, belə desək, PSJ-nin güdazına gedir. Paris nəhəngi iki ildi, finala yüksəldiyi üçün Letesye Avropanın ən mötəbər klub turnirində həlledici görüşə təyinat ala bilmir.

''Kristal Pelas'' ilə ''Rayo Valyekano'' arasında baş tutacaq Konfrans Liqasının finalını isə italiyalı Mauritsio Mariano idarə edəcək. Bu oyun mayın 27-də Almaniyanın Leyptsiq şəhərində keçiriləcək.