“Barselona”nın mərkəz müdafiəçisi Andreas Kristinsen, görünür, komandada son mövsümünü keçirir.

"Football-plus.az" xəbər verir ki, Danimarkalı futbolçunun müqaviləsinin müddəti yayda bitir və yeni anlaşmanın şərtləri üzrə razılıq əldə olunmayıb.

“Sport” nəşrinin məlumatına görə, 30 yaşlı oyunçunun gələcəyi getdikcə daha çox sual doğurur və ayrılıq ehtimalı artır. Kataloniyalılar futbolçuya maaşın ciddi şəkildə azaldılmasını nəzərdə tutan yeni müqavilə təklif etsə də, bu variant müdafiəçini razı salmayıb.

Kristensen dizindən aldığı zədə səbəbindən dekabrdan bəri meydana çıxmır. O, “Barselona”ya 2022-ci ilin ortalarında “Çelsi”dən azad agent kimi keçmişdi.