DÇ-2026-nın final matçı üçün nəzərdə tutulan bilet qiymətləri açıqlanıb.

"Football-plus.az" xəbər verir ki, bu barədə “The Athletic” məlumat yayıb.

İngiltərə qəzetinin yazdığına görə, finalın ən bahalı biletlərinin qiyməti 6730 dollar təşkil edəcək. Ən ucuz biletlərin qiyməti isə 2030 dollardı. Qrup mərhələsinin matçlarına bilet qiymətləri 60-620 dollar arasında dəyişir.

Futbolsevərlər bu mərhələnin oyunlarına 4 kateqoriya üzrə bilet ala bilərlər:
1-ci kateqoriya: 410 dollardan 620 dollara qədər; 
2-ci kateqoriya: 310 dollardan 465 dollara qədər;
3-cü kateqoriya: 140 dollardan 215 dollara qədər;
4-cü kateqoriya: 60 dollardan 105 dollara qədər.

DÇ-2026-nın final mərhələsi gələn il iyunun 11-dən iyulun 19-dək ABŞ, Kanada və Meksikada təşkil olunacaq. Turnirdə ilk dəfə 48 milli komanda iştirak edəcək. Mundialın final oyunu ABŞ-nin Nyu Cersi ştatındakı “Metlayf Stedium”da keçiriləcək.