Bu gün futbol üzrə ölkə çempionatının 1-ci liqasında 25-ci tura start verilib. Turun ilk oyunu Şamaxıda keçirilib. “Şahdağ Qusar” nominal ev sahibi olduğu oyunda “Mingəçevir”i məğlub edib. Halbuki qələbə 1-ci liqada ən azı 2-ci yeri tutub, elitaya vəsiqə uğrunda pley-offda oynamaq niyyətində olan “Mingəçevir”ə hava-su kimi lazım idi. Hazırda aşağı dəstədə turnir cədvəlinə 53 xalla “Şəfa” başçılıq edir. “Səbail”in 46, “Mingəçevir”in 45 xalı var. Turun qalan oyunları sabah və birisigün keçiriləcək. “Şəfa” “Difai”nin, “Səbail” “Zaqatala”nın qonağı olacaq.
Şahdağ Qusar – Mingəçevir 2:0
Kvaku Adjey, 10. Aqostinyo Çipesse, 72.