Əliyar Ağayevin cəzası bitdi?

Ölkə kubokunun yarımfinal mərhələsinin aprelin 3-də keçirilən “Turan Tovuz” - “Zirə” oyununda Əliyar Ağayev elə kobud səhvlərə yol verdi ki, artıq bir aydı yaşıl meydanda görünmür. Elə həmin vaxt təcrübəli FİFA referisinin 5 oyunluq cəzalandığı deyildi.

Artıq Əliyar bəyin cəza müddəti arxada qalıb. Həmin vaxtdan bəri Misli premyer-liqasında 26, 27, 28, 29, 30-cu turların oyunları keçirilib.

Belə çıxır ki, Ağayev artıq növbəti turda iş başında olacaq.

Yeri gəlmişkən, digər cəzalı İnqilab Məmmədov aşağı liqa oyunlarında təyinat alsa da, AFFA Hakimlər Komitəsi Ağayevi belə əzaba qatlaşmağ layiq görmədi.

MÜZƏFFƏR QULUZADƏ