Ölkə kubokunun yarımfinal mərhələsinin “Neftçi” – “Sabah” matçında kobud səhvə yol verən FİFA referisi Əliyar Ağayev ardıcıl iki turda heç bir oyuna təyinat almayıb. Hətta VAR hakimi kimi belə etimad görməyib.

Görünən odu ki, AFFA Hakimlər Komitəsi referiyə həmin səhvi bağışlamayıb.

Son iki turda təyinat almadığını nəzərə alsaq, Əliyar Ağayev cəzalanıbmı? Bu sualı AFFA-nın Mətbuat və İctimaiyyətlə Əlaqələr departamentinin rəhbəri Elnur Məmmədliyə ünvanladıq. O, "Football-plus.az"a açıqlamasında hakimlərin cəzası olanda belə, bunun ictimaiyyətə və mətbuata açıqlanmadığını söylədi.

Xatırladaq ki, FİFA referisi Misli premyer-liqasının 31-ci turunda "Araz-Naxçıvan" - "Turan Tovuz" matçını idarə edəcək.

ƏSƏD SEYİDOV