''Asan olmayacağını bilirdik. Çətin rəqibə qarşı oynadıq. Burda çempionluğu rəsmiləşdirməyin asan olmayacağının fərqində idik. Biz özümüz də yaxşı oynamadıq. Gələn tur öz meydanımızda qalib gələrək çempion olacağıq. Fanatlarımızdan üzr istəyirik. Bizi tək qoymadılar. Ötən tur birbaşa rəqibimizə qarşı yaxşı oyun sərgilədik. Əslində bu günkü oyuna da yaxşı hazırlaşmışdıq. Bir oyunda ilişib qalmamalıyıq. Davam etməliyik. Dəyişən bir şey yoxdu. Bu komanda yenə də hər şeyini meydanda verəcək. Növbəti oyuna köklənməliyik. Belə oyundan sonra kamera qarşısına keçib nəsə demək çətindi. Ötən həftə qələbəni gözəl şəkildə qeyd etdik. Bu dəfə fanatlarımızı məyus etdik. Olan oldu. Bu oyun sadəcə kiçik bir maneə idi. Növbəti həftə mühüm oyuna çıxacağıq. Artıq həmin matça hazırlaşacağıq''.