La Liqanın “Betis” ilə oyunu “Real”a ikiqat itki hesabına başa gəlib.

"Football-plus.az" xəbər verir ki, Sevilyada baş tutan matç 1:1 hesablı heç-heçə ilə sona çatıb. 81-ci dəqiqədə madridlilərin aparıcı futbolçusu Kilian Mbappe zədələnib. Komandanın baş məşqçisi Alvaro Arbeloa onu Qonsalo Qarsiya ilə əvəzləyib.

İnsayder Fabritsio Romanonun yaydığı məlumata görə, Mbappenin sol budunun arxasındakı əzələlər gərilib. Fransalı hücumçunun yaşıl meydana nə vaxt qayıdacağı hələlik məlum deyil.