“U-10 komandamızda Kamal İsmayılov ad-soyadlı futbolçu var. O, 2017-ci il doğumludu. Kamal mövsümün əvvəlindən bizim futbolçumuz olub, lisenziyadan keçirmişik. Çalışmışıq ki, oynasın, praktika qazansın. Məqsədimiz 1-ci olmaq yox, uşaqları oynamaqla sevidirmək, istedadları üzə çıxarmaq olub. Çempionluq istəsəydik, daha böyük uşaqları oynadardıq. Kamalın atası yanvarda bizə yaxınlaşıb dedi ki, qonşusu SUHB-da oynayır, istəyirəm getsin orda məşq etsin. 2-3 aylıq həvəsini öldürsün, sonra qayıtsın. Biz də etiraz etmədik. Qarşısını almadıq, almarıq da. Bizə onun oyunlara çıxdığını deməmişdi. Xəbərim olsaydı, adını protokoldan çıxarardıq. Oynamayanda belə adını qeyd etmişik. O, yanvardan indiyə qədər cəmi bir oyuna çıxıb. Onda xəbərimiz oldu ki, SUHB-da oyuna çıxıb. Bizim də məsuliyyətsizliyimiz oldu. Texniki məğlubiyyət verilməsini gözləyirdik. Klub rəhbəri Kamal Bayramov valideynlə arasında olan anlaşılmazlığdan hiddətlənib, uşağın bizdə keçirdiyi oyunların videolarını AFFA-ya atıb. İntizam Komitəsinə və digər şəxslərə də bildirdik ki, yanlış anlaşılma olub, texniki məğlubiyyət verilməlidi. Kamal Bayramov köhnə kadrları da atıb. Hansı ki, onda bizə məxsus futbolçu idi. İntizam Komitəsi isə məsələni araşdırmamış qərar qəbul edib. AFFA-nın təqvimi var. Orda da qeyd olunub ki, yanvardan əvvəl bizim futbolçu olub. Texniki məğlubiyyət verilməli olduğu halda klub turnirdən kənarlaşdırılıb, mənə də 6 aylıq cəza verilib. Vəkil tutmuşuq, məsələ araşdırılacaq. Ümid edirəm ki, anlaşılmazlıq olduğu müəyyənləşər. Mənə şər-böhtan atırlar”.