“Karvan-Yevlax”ın birinci və ikinci kapitanı - Araz Abdullayevlə Elvin Yunuszadə yaşıl meydandan uzaq qalıb. Təcrübəli futbolçular komandanın sütunu kimi Yevlaxa gətirilsələr də, xüsusi ilə də Araz Abdullayev özünü doğrulda bilmir. Zədə səbəbindən məşqlərə də qatılmayan futbolçu hardadı, niyə oyunlara çıxmır?

“Football-plus.az” məsələni araşdırıb və məlum olub ki, 34 yaşlı yarımmüdafiəçi Bakıdadı, gələn həftədən etibarən məşqlərə qatılacaq.
Elvin isə “Kəpəz”lə oyundan əvvəl zədələnmişdi. O da müalicəsini davam etdirir, 31-ci turda keçiriləcək “Turan Tovuz”la səfər oyununa qədər hazır olacağı gözlənilir.

Qeyd edək ki, Yunuszadə iki turdu ehtiyat oyunçular skamyasında belə oturmur. Sonuncu dəfə 15-ci turda 90 dəqiqə oynayan Araz isə son 10 turda cəmi 8 dəqiqə şans qazanıb, 4 oyundu adı protokola salınmır.

MÜZƏFFƏR QULUZADƏ