“Həqiqətən də, Rəhim Həsənovun dediyi kimi çox çətin epizoddu. Amma mənim üçün maraqlı olan başqa məqamdı. Hamı İnqilab Məmmədovu söyür. İnqilabın günahı nədi, anlamıram. Ofsayda yan xətt hakimi baxır, qərar verir. VAR da bu qərarı təhlil edir, ehtiyac varsa, düzəliş edir. İnqilab ofsaydla məşğul olmur axı. Bəli, vəziyyəti nəzərə alıb, VAR-a baxmaq istəyərdi. Amma orda vəziyyət qarışdı, texniki zona bir-birinə dəydi. Burda Hakimlər Komitəsinin də günahı var. Belə oyunlarda dördüncü hakim də nüfuzlu, söz keçirə bilən şəxs olmalıdı. Texniki zonalar oyunun əvvəlindən yaxşı vəziyyətdə deyildi, hamı ayaqüstə idi. Yaxşı olardı ki, ictimaiyyət hakimlərin söhbətini eşidəydi. Mütləq hakimlər arasında dialoq olub. Səsyazısı təqdim olunsaydı, ictimaiyyət sakitləşərdi. Amma biz İnqilabı qınaya bilmərik ki, monitora baxmaq istəmədi. İstəmir, nəyinə gərək? Yan xətt hakimi var, VAR var – bu onların vəzifəsidi. VAR monitoruna baxmamağı günah kimi İnqilabın boynuna qoya bilmərik”.