Bir neçə saat əvvəl AFFA İntizam Komitəsinin qərarları açıqlandı. “Neftçi” də, “Qarabağ” da, “Zirə” də ciddi məbləğdə cərimələndi. Amma daha bir komanda cərimələnənlər sırasında olmalıydı.

Görəsən, “Kəpəz” niyə unudulub?

Oyun başa çatandan sonra kənar şəxslər meydana daxil oldu. Buna görə elə bu tur “Qarabağ” 5 min manat cərimələnib. Azarkeşlər təhqirəramiz ifadələr səsləndirdi. “Neftçi” bu səbəbdən 8 min cərimələndi, “Kəpəz” də azı 5 min cərimələnməli idi. Yusif İmanov azarkeşlərlə dava edib. Buna görə Azər Bağırov oun cəzalandıracağını deyib. Bəs AFFA?

Bəylər, qərarlar, standartlar hamıya münasibətdə eyni şəkildə tətbiq olunmalıdı. Belə olmaz axı. Necə yəni, “Kəpəz” bu tur, sadəcə, 4 futbolçunun sarı vərəqəsinə görə 700 manat cərimələnir? “Neftçi”nin heyətinin az qala yarısı haqlı etiraza görə “qırmızı” alır, böyük məbləğdə cərimə ödəmək məcburiyyətində qalır, “Kəpəz” isə...

Bu məsələ araşdırılmalıdı. Ya AFFA nümayəndəsi Bəhram Qurbanovun “Kəpəz”ə böyük simpatiyası var, ya da başqa nəsə. AFFA nümayəndəsi bütün bu məqamları görmək üçün Yevlaxa ezam olunub, AFFA-dan ezamiyyət pulu alıb. Bəs hara baxırdı?

MÜZƏFFƏR QULUZADƏ