“Bəli, böyük hesabla məğlub olduq . İlk “altılıq” üçün yaxşı şansımız var idi, yararlana bilmədik. Ümumiyyətlə, qışdan sonraki təqvim bizim üçün çox yaxşı idi. Daha çox xal yığa, yuxarı pillələr üçün oynaya bilərdik. Turnir cədvəlindəki mövqeyimizə görə favorit göstərilirdik, amma ümumi heyətə və şəraitə nəzə salsaq, demək olar ki, hər klubdan geri qalırıq. Burda müəyyən nüanslar var: komandanı oyundan-oyuna yığırıq, məşq edə, futbolçu dəvət edə bilmirik. PFL-in qoyduğu limit var. Mən komandaya gələndə cəmi 7 futbolçu dəvət edə bilərdik və qışa qədər olan heyətdən cəmi 4-5 nəfər saxladıq, qalan yerləri yeniyetmələrlə doldurduq. Heyətimizdə oynayan 5 nəfərin 15, 16, 17 yaşı var. Cavanları növbəti mövsüm üçün hazırlayırıq. Futbolçuları oyuna kökləmək mümkün deyil. Bir yerdə olmuruq, məşq etmirik. Bu vəziyyət hər şeyi göstərir. Danışacaq bir şey yoxdu. Öz meydancamızda, öz azarkeşlərimiz qarşısında olsaydıq, inanıram ki, bu heyətlə də yaxşı nəticələr qazanardıq. İkinci “altılıq”da 5 oyunumuz var. Məqsəd bu oyunlarda normal çıxış edib, çempionatı başa vurmaqdı. Rəhbərlik və mən indidən növbəti mövsüm haqqda düşünürük . Şəkidəki stadion ixtiyarımıza verilsə, növbəti mövsüm daha iddialı olacağıq”.