Atası gəzən budağı...
Finlandiyalı pilot Mika Hakkinenin qızı Ella Hakkinen “Formula-4”də çıxış edən İsveçrə komandası “Jenzer Motorsport” ilə müqavilə bağlayıb.
Bununla bağlı xəbəri “Formula-4”ün mətbuat xidməti yayıb. Turnirin ilk mərhələsi aprelin 10-12-si aralığında keçiriləcək. Xəbərdə deyilir:
“Ella Hakkinen 2026-cı ildə bizim seriyada çıxış edəcək! Tanış addı. “Formula-1”in ikiqat çempionunun qızını salamladığımıza görə çox şadıq”.
15 yaşlı Ella ötən il “Maklaren”in gənclər proqramına qəbul olunub. Mika Hakkinen isə 1991-2001-ci illər aralığında “Formula-1” üzrə dünya çempionatında çıxış edib. 1998-ci və 1999-cu illərdə çempion titulunu qazanıb.
Digər xəbərlər
