Bu mövsüm “İmişli”nin ev oyunlarını keçirdiyi Quba Olimpiya İdman Kompleksinin qazonunun durumu hər kəsə bəllidi.

Çempionatın 14-cü turunda “Qarabağ” da burda oynadı. Bu komandanın baş məşqçisi, AFFA İcraiyyə Komitəsinin üzvü Qurban Qurban meydançanın durumundan kəskin narazılıq etdi. Bir tur sonra “Şamaxı”nın və yığmanın baş məşqçisi Ayxan Abbasov da meydançadan və digər problemlərdən şikayətini dilə gətirdi.

“Football-plus.az”a çatan məlumatlara görə PFL gələn mövsümdən etibarən “İmişli”yə başqa yer tapmağı tapşırıb, bir daha Qubada oynaya bilməyəcəyini çatdırıb.

Bunun nə dərəcədə düzgün məlumat olduğunu öyrənmək üçün klubun icraçı direktoru Aqşin Mürsəlovla əlaqə saxladıq. Aqşin bəy bu yöndə heç bir rəsmi məlumat olmadığını bildirdi. PFL də Mürsəlovun cavablnl təsdiqlədi.

MÜZƏFFƏR QULUZADƏ