“Bu o deməkdi ki, mən xameleonam”
Dünyanın 1 nömrəli raketkası Karlos Alkaras Doha turnirində qələbə qazanandan sonra fenomenal seriyasını şərh edib.
"Football-plus.az" xatırladır ki, ispaniyalı ulduz son 13 turnirdən doqquzunun qalibi olub:
“Çox xoşbəxtəm. Biz məhz bunun – titullar qazanmaq və zirvədə olmaq üçün çalışırıq. 13 turnirdə 9 qələbə qorumağa çalışdığım sabitlikdən xəbər verir”.
Jurnalistlər Alkarasın bütün dünya ərazisində - Avropadan Yaxın Şərqə qədər – keçirilən turnirlərdə uğur qazanmasına da diqqət yetirib. Uyğunlaşma bacarığı ilə bağlı suala ispaniyalı ulduz belə cavab verib:
“Bu o deməkdi ki, mən xameleonam. Düşünürəm ki, bu, böyük tennisçi və böyük atlet olmağın açarıdı. Yalnız bir yerdə dayanmaq, bir turnirdə yaxşı oynamaq olmaz. Daim səyahət edir, fərqli vəziyyətlərlə üzləşirsən. İstənilən şəraitə uyğunlaşa bildiyimə görə sevinirəm”.
22 yaşlı Alkaras indiyə qədər 7 dəfə “Böyük dəbilqə” turnirini qazanıb. Ümumiyyətlə, ATP səviyyəsində 26 titulu var.
Digər xəbərlər
