“Ayntraxt” “Qarabağ”ın start heyətini tapıb! – klubun rəsmi saytı açıqladı
Frankfurt “Ayntraxt”ı rəsmi saytında “Qarabağ”la bağlı məlumatları azarkeşlərinə təqdim edib.
“Football-plus.az” xəbər verir ki, 1-ci bundesliqa təmsilçisi “köhlən atlar”ın uğurlarından söz açıb. Bildirilib ki, ağdamlılar indiyə qədər qazandığı uğurlarla həm Azərbaycanda, həm də Avropada güclü komanda kimi tanınıb:
“Qarabağ” Çempionlar Liqasında 4-2-3-1 sxeminə qətiyyətlə sadiq qalır. Baş məşqçi Qurban Qurbanov üstünlük verdiyi start heyətindən yayınmaq istəmir. “Çərçivə”də Mateuş Koxalski, müdafə xəttinin solunda Elvin Cəfərquliyev, mərkəzində Kevin Medina və Bəhlul Mustafazadə, sağında isə Mateus Silva çıxış edir. Rəqibin yarımmüdafiə xəttində keyfiyyətli futbolçular var. Marko Yankoviç və Pedro Bikalyo da müdafiə xəttinə güc qatır. Hücumçulardan Emmanuel Addai sol, Leandro Andrade sağ cinahda top qovur. Kapitan Abdulla Zubir mərkəzdədi. Ön xətdə Kamilo Duranı və ya Nəriman Axundzadəni görə bilərik. O başqa məsələ ki, Qurban Qurbanov daha çox Durana şans verir”.
“Ayntraxt” “Qarabağ”ın Çempionlar Liqasındakı statistikasına da diqqət yetirib: “Rəqib 7 xalla 22-ci yerdədi. İndiyə qədər 2 qələbə qazanan komanda 1 heç-heçə edib, 3 məğlubiyyət yaşayıb. Bu matçlarda 10 qol vuran komanda 13-nü buraxıb, “Qarabağ” oyun ərzində orta hesabla 46,34 faiz topa sahib olur. Ötürmə dəqiqliyi isə 81,67 faizdi”.
Xatırladaq ki, bu gün “Bəhramov”da keçiriləcək “Qarabağ” – “Ayntraxt” matçı saat 21.45-də başlayacaq.KƏNAN BAHADIR
Digər xəbərlər
