Çempionlar Liqasının liqa mərhələsinin 7-ci turu çərçivəsində “Qarabağ” sabah “Ayntraxt”ı qəbul edəcək. Təbii ki, istər Azərbaycan mediasında, istərsə də də futbol ictimaiyyətində “Qarabağ”ın qələbəsinə inam hədsiz böyükdü. Əsas dəlil də odu ki, qonaqların bir neçə, konkret 6 futbolçusu zədəlidi. Gəlin, sabahkı oyunu buraxmaq ehtimalı olan futbolçuların cari mvsümdəki göstəriciləri ilə tanış olaq.

Meydana çıxa bilməyəcək üç futbolçu:

Elyas Baum. Avqustdan bəri cəmi 14 dəqiqə oynayıb. Uzun müddətdi zədəlidi.

Conatan Burkardt. Ən ciddi itkilərdən biridi. Mərkəz hücumçusu yüksək qol duyumuna malikdi. Çempionlar Liqasında 5 oyuna çıxıb, 3 qol vurub, 1 məhsuldar ötürmə verib. Bundesliqada 10 oyuna çıxıb, 8 qolla yadda qalıb.

Timoti Çendler. ABŞ-dən olan yarımmüdafiəçi bundesliqanın cari mövsümündə bir dəqiqə də meydanda görünməyib. Ümumiyyətlə, uzun müddətdi zədədən əziyyət çəkir.

Meydana çıxması sual altında olan üç futbolçu:

Mario Götse. Yarımmüdafiəçi cari mövsümdə 13 oyuna çıxıb, qol vurmayıb. “Verder”lə oyunda da meydanda olmayıb.

Rasmus Kristensen. Danimarkalı müdafiə xəttinin sütunlarından biridi. Bundesliqada 15 oyuna çıxıb, 2 qol vurub, ÇL-in cari mövsümündə 3 oyun keçirib, 1 qolu var.

Huqo Larsson. İsveçli yarımmüdafiəçi bundesliqanın cari mövsümündə 11 oyuna çıxıb, 1 qol vurub. ÇL-də göstəricisi belədi: 5 oyun.

Siyahıdan göründüyü kimi, yeganə ciddi itki Conatan Burkardtdı. Yəni rəqibin itkilərini şişirtməyək. Sadəcə, baş məşqçiləri yoxdu. Bu məqam isə rəqibə nə qədər təsir göstərəcksə, “Qarabağ”a da ən azı o qədər mane olacaq. Artıq “Ayntraxt”ın Bakıda necə oynayacağını bilmirik. Belə komandalar həmişə təhlükəli olur.

MÜZƏFFƏR QULUZADƏ